JAVIER FERNÁNDEZ “PERA”, antigo alumno da Escola Municipal de Música e Danza de Ribadeo, retorna á nosa vila para interpretar un repertorio de percusión solista. Tocará obras dos máis importantes compositores para percusión do momento como Kevin Volans ou Cristopher Deane. Pezas para vibráfono, marimba, djembé, e máis, que conforman un repertorio con inspiracións claras na música actual, atopando influencias do blues ou o jazz, a world music e mesmo pequenas aparicións da electrónica.

O sábado 2 de xuño ás 20.00 h no Auditorio Municipal Hernán Naval.

As entradas custan 3 € agás para o alumnado da EMMeD que está convidado.