A Escola Municipal de Música e Danza de Ribadeo organiza o día 27 de xuño,  unha “xornada de portas abertas”, en horario de 17:00 a 19:00 horas. O profesorado do centro explicará as distintas disciplinas que se imparten no centro, incluíndo unha pequena clase práctica.

Segundo as materias, esta actividade estará dividida por idades:

– Música e movemento: nenas e nenos nados entre os anos 2014 e 2011.

– Danza/ballet: desde os 4 anos (ano 2014) en diante.

– Práctica instrumental: desde os 8 anos (nados en 2010) en diante.

Aproveita esta oportunidade para probar de balde!